Лента новостей
0

ОҚО-да тұңғыш рет ел президентінің жүлдесіне арналған халықаралық турнир басталды

Zakon.kz, фото - Новости Zakon.kz от 08.08.2016 17:01 Zakon.kz
Турнирдің ақтық ойыны 2016 жылдың 12 тамыз күні, сағат 17.00-де Қажымұқан атындағы Орталық стадионда өтеді.

Оңтүстік Қазақстан облысында алғаш рет ҚР Президентінің Кубогіне арналған жасөспірімдер арасындағы футболдан халықаралық турнир бастауын алды. ІХ Халықаралық турнирдің салтанатты ашылу рәсіміне қатысқан облыс әкімінің орынбасары Ұ.Сәдібеков шараны ашып беріп, қатысушыларға сәттілік тіледі. Бұл туралы zakon.kz, ОҚО әкімінің баспасөз қызметі берген ақпаратқа сілтеме жасап хабарлайды.

«2008 жылы Алматы қаласында бастау алған бұл халықаралық турнир, кейінгі 6 жылда Елордамыз Астана қаласында өтіп келді. Қазақстан Футбол федерациясының ұсынысына орай, біздің қолдауымызбен 2016 жылы 9-турнир Шымкент қаласында өткізіліп отыр. Осы сәтті пайдалана отырып, Қазақстан футбол федерациясы басшылығына облыс әкімі және облыс тұрғындары атынан шынайы алғысымды білдіремін», - деді облыс әкімінің орынбасары.

Ел Тәуелсіздігінің 25 жылдығына орай, Қазақстан Футбол федерациясының ұйымдастыруымен, Оңтүстік Қазақстан облысы әкімдігінің қолдауымен қолға алынған спорттық іс-шараға Албания, Әзербайжан, Иран, Рессей-2, Қырғызстан, Тәжікстан, Крузейро-Қазақстан және Қазақстан футбол командалары қатыспақ. Ал ойындар «Тассай» шағын ауданындағы «БИІК» спорт кешенінде, күнделікті сағат 10:00-17:00 аралығында өтеді.

Халықаралық турнирдің жүлде қоры қомақты. Жарыс нәтижесінде 3-орын алған командаға 3 мың АҚШ доллары берілсе, 2-орын алған командаға 5 мың АҚШ доллары бұйыратын болады. Ал турнирдің жеңімпазына 7 мың АҚШ доллары дайын тұр. Сондай-ақ, турнир аясында ұйымдастырушылар алқасы тарапынан «Үздік төреші», «Үздік қақпашы», «Үздік қорғаушы», «Үздік жартылай қорғаушы», «Турнирдің Үздік мергені» және «Үздік ойыншы» аталымдары да белгіленген.

Айта кетейік, турнирдің ақтық ойыны 2016 жылдың 12 тамыз күні, сағат 17.00-де Қажымұқан атындағы Орталық стадионда өтеді.

Фото: ontustik.gov.kz

Следите за новостями zakon.kz в:
Поделиться
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Будьте в тренде!
Включите уведомления и получайте главные новости первым!

Уведомления можно отключить в браузере в любой момент

Подпишитесь на наши уведомления!
Нажмите на иконку колокольчика, чтобы включить уведомления
Сообщите об ошибке на странице
Ошибка в тексте: