Лента новостей
0

Отырарлықтар өнім алуды ғылыммен ұштастыруда

Zakon.kz, фото - Новости Zakon.kz от 11.08.2016 17:53 Zakon.kz
Семинар соңында шаруалар мен семинар қонақтары аттылы кісі көрінбейтін жүгері алқаптарын аралап, собықтарын саралап көрді.

Отырар ауданында топырақтың құнарлылығын арттыру, өнімділікті еселеу және тұзданған топырақты мүмкіндігінше сауықтыру арқылы қайта айналымға қосу жұмыстары мықтап қолға алынуда. Бұл туралы zakon.kz, ОҚО әкімінің баспасөз қызметі берген ақпаратқа сілтеме жасап хабарлайды.

Таяуда аталған егіс алқабында аудандағы егін саласындағы өзекті мәселелерді шешу, жер құнарын арттыру, топырақтың тұздылығын төмендету мақсатында облыстық далалық семинар өтті. Семинарға аудан әкімі Е.Айтаханов, ауданымыздың ауыл шаруашылығы саласының өкілдерінен өзге облыстық Ауыл шаруашылығы басқармасының басшысы С.Тұрбеков, Ө.Оспанов атындағы Қазақ топырақтану және агрохимия ғылыми зерттеу институтының директоры А.Сапаров және институт ғалымдары А.Отаров, Г.Аташева, М.Пошановтар қатысты.

Сондай-ақ, семинарға арнайы Жапониядан Киото университетінің профессоры Фунакава Шинья, аталған университеттің бір топ магистранттары келіп, келелі пікірлері мен ғылыми тұжырымдамаларын ортаға салды.

Басқосуда аудан әкімі Е.Айтаханов бүгінгі егін егу технологиясын ғылымның жетістіктерімен ұштастыру керек екендігін баса айтты. Сонымен бірге, аудандағы 368 шақырымды құрайтын дрендер жүйесі мен 55 шақырымдық «Шәуілдір» бас коллекторы толық жөндеуден өткенде егіс алқабы көбейіп, Отырар жүгерісі бұрынғы даңқына қайта ие болатынына сенім білдірді.

Семинар соңында шаруалар мен семинар қонақтары аттылы кісі көрінбейтін жүгері алқаптарын аралап, собықтарын саралап көрді. Көрген адамның көзі тоятын жүгері алқабының осылай жайқалуы ғылымның жетістігі екендігі айдан анық. Ғылым мен шаруалардың тәжірибесін ұштастыра білген кезде өнімнің мол болатынына семинарға қатысушылардың бәрінің көзі жетті.

Фото: ontustik.gov.kz

Следите за новостями zakon.kz в:
Поделиться
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Будьте в тренде!
Включите уведомления и получайте главные новости первым!

Уведомления можно отключить в браузере в любой момент

Подпишитесь на наши уведомления!
Нажмите на иконку колокольчика, чтобы включить уведомления
Сообщите об ошибке на странице
Ошибка в тексте: