Лента новостей
0

ОҚО сәулеті тәуелсіздік жылдарында адам танымастай өзгерді

Zakon.kz, фото - Новости Zakon.kz от 21.09.2016 20:01 Zakon.kz
Облыстың сәулеттік сәнін арттырып, көркейтуге бағытталған жұмыстар мұнан әрі жалғасын табады. Мәселен, Түркістан қаласына 60 шақырым кіре беріс жерге түркі тілдес халықтардың қалашығын салу жоспарланып отыр.
ОҚО сәулеті тәуелсіздік жылдарында адам танымастай өзгерді. Бұл туралы бүгін ОҚО Аймақтық коммуникациялар қызметінде өткен брифингте облыстық сәулет және қала құрылысы басқармасының басшысы Еркін Жүсіпов хабарлады, деп жазады zakon.kz.

Спикердің айтуынша, сәніне сәулеті келіскен жобалардың басым бөлігі, яғни 40-тан астам ірі жоба, соңғы алты жылда – 2009-2015 жылдар аралығында іске асырылып, бой көтерген.

Атап айтқанда, «Жер ана» монументі, Ордабасы алаңындағы субұрқақ, Жібек Жолы аллеясы (Т.Рысқұлов ескерткіші), Көркемөнер галереясы, Абай мұражайы, Диуани Хикмет аллеясы (Түркістан қ.), «Даңқ» мемориалы, Дендросаябақты қайта жөндеу, «Шәмші әлемі» сквері, спортшылар аллеясы, Неке сарайы, Жастар орталығы, Қабанбай батыр ескерткіші, Босанғанға дейінгі орталық, Облыстық филармония, «Қызғалдақ» субұрқағы жобалары болып жалғасып кете береді.

«Облыстың сәулеттік сәнін арттырып, көркейтуге бағытталған жұмыстар мұнан әрі жалғасын таба береді. Мәселен, Түркістан қаласына 60 шақырым кіре беріс жерге түркі тілдес халықтардың қалашығын салу жоспарланып отыр. Шығыс халықтарына берілетін этно қаланы әр ұлт өздігінше әсемдейтін болады. Мұнан бөлек, таяуда өңіріміздің Қызылорда және Жамбыл облыстарымен шектесетін бөлігінде «Оңтүстік» символикалық қақпасы бой көтермек», - деді басқарма басшысы.

Баспасөз жиынында Е.Жүсіпов облыстағы тұрғындар саны бес мыңнан асатын елді мекендерді бас жоспармен қамтамасыз ету жайы 98,1 пайызды құрайтынын жеткізді. Жұмыстардың атқарылуы жөнінен республика бойынша екінші орында тұрған аймағымызда 2020 жылға дейін бұл нәтиже 99,6 пайызға шықпақ.

Фото: www.skyscrapercity.com

Следите за новостями zakon.kz в:
Поделиться
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Будьте в тренде!
Включите уведомления и получайте главные новости первым!

Уведомления можно отключить в браузере в любой момент

Подпишитесь на наши уведомления!
Нажмите на иконку колокольчика, чтобы включить уведомления
Сообщите об ошибке на странице
Ошибка в тексте: