Наурыз мейрамына орай Шығыс Қазақстанда дәстүрлі онкүндік жарияланды

14 марта 2016, 16:33
Фото:

Ұлыстың үлы күнін шығысқазақстандықтар ағымдағы жылы кең көлемді шаралардың өтуімен қарсы алады. Наурыздың 13-інде мерекеге орай онкүндік жарияланып, ұлтаралық татулық пен бейбітшілікті нығайтуға бағытталған 600-ға жуық мерекелік шара өтеді. Бұл жайлы Шығыс Қазақстан облысы әкімінің орынбасары Жақсылық Омар мәлімдеді, деп хабарлайды altaynews.kz.

«Наурыз мерекесінің өту барысы да өзге шаралардай еліміздің Тәуелсіздігінің 25 жылдығына орайластырылып отыр. Мерекені атап өтудегі басты мақсат, елдегі бейбітшілік пен келісімді нығайтып, ұлттық құндылықтарды дәріптеуге бағытталған. Жоспар бойынша, ай көлемінде аймақта дәстүр мен отбасылық құндылықтарды сақтауға және нығайтуға арналған 600-ға жуық шара өтеді», - деді Жақсылық Омар.

Мерекелік шаралар легі 13 наурызда «Ырыс күні» атауымен ұйымдастырылатын ауылшаруашылық жәрмеңкелер мен концерттік бағдарламалар өтуімен басталады.

14 наурызда «Дәстүр күні» атты ұлттық қолөнер бұйымдарының көрмесі мен шеберлердің қатысуымен кездесулер өтеді.

Ал, 15 наурыз күні, «Жаңғыру күні» аймақ перзентханаларында салтанатты түрде туу туралы куәліктер табысталатын болады.

Наурыздың 16-шы жұлдызында «Көктем шуағы» атауымен түрлі флешмобтар, жасөспірімдердің қатысуымен концерттер өтеді.

17 наурыз «Қамқорлық күнінде» жастар қауымы тыл, еңбек және соғыс ардагерлерін мерекемен құттықтайды.

Келесі күні «Жаңару күнінде» қала тұрғындары сенбілікке шығып, қала көшелері мен саябақтарды қалыпқа келтіреді.

19 наурызда «Жарасым күні», білім ордаларында үздік шығармалар мен өлеңдер арасында байқау жарияланып, кітапханаларда Наурыз мерекесінің тарихымен таныстыратын әдеби кештер өтеді.

«Қуаныш күнінде» қаланың орталық көшелері, денсаулық сақтау, білім беру мекемелері әрлендіріледі.

21 наурызда «Шаттық күні», ән, би байқаулары, айтыс өтіп, түрлі шығармашылық қайраткерлерімен кездесулер өтеді.

Ал, 22 наурызда «Ұлыс күнінде» негізгі мерекелік шаралар: көкпар, күрес, қызқуу сынды ойындар, «Ең үздік киіз үй» байқауы сынды сайыстар мен түрлі байқаулар өтеді.

Фото:www.kazinform.kz


Читайте новости zakon.kz в
Показать комментарии

Популярное

все топ новости

НОВОСТИ

сообщить об ошибке
Сообщить об ошибке
Текст с ошибкой:
Комментарий:

Хотите быть в курсе важных новостей?