#Все о теннисе
Түрмеде босанған әйел қамаудан босатылмады
Zakon.kz
Қарағандыда алаяқтық жасады деген күдікпен қамалған «Фараон» туристік фирмасының басшысы Жанар Әбеуп түрме қабырғасында босанса да бостандыққа шығарылмады. Бұл туралы облыстық соттың баспасөз қызметіне сілтеме жасаған egemen.kz хабарлады.
Күдіктінің қорғаушысы түрмеде босанған турфирма басшысын кепілдікке босатуды немесе үйқамаққа ауыстыруды сұрады. Алайда, сотта прокурордың Жанар Әбеупке қатысты қамауда ұстау мерзімін ұзарту бойынша өтініші қанағаттандырылды. Қазыбек би аудандық сотының шешімімен, күдіктінің қамауда болу мерзімі 8 айға, яғни 2016 жылдың 6 маусымына дейін ұзартылды.
Сотта прокурор сотқа дейінгі тергеу амалдарының халықаралық сұраныс бойынша Түркиядан келген жауапты аударуға уақыт қажет болғандықтан аяқталмай жатқанын түсіндірді.
Қайрат Әбілдинов
Фото:outpouring.ru
