Латын қаріпіндегі қазақ әліпбиінің жаңа нұсқасы көңілге қонымды - Кеңшілік Тышқан

Zakon.kz Zakon.kz
Тіл мамандары латын қаріпіне көшудің жаңа нұсқасын Президентке ұсынған болатын.
Қазақ тілінің латын қаріпіндегі Елбасына ұсынылған жаңа нұсқасы көкейге қонымды. Латын-шағатай тілдерінің маманы, ғалым Кеңшілік Тышқан осылай дейді. Оның сөзінше, жаңа қаріп бізді жаңа технологияларды меңгеруге жол ашады, деп жазады Астана телеарнасы.

Сондықтан ол өзге ел азаматтарына да оқуға барынша жайлы болғаны жөн. Сонымен қатар Түрік елі сынды кей төл дыбыстарымызды жоғалтып алмауымыз керек. Жазылған сөздер шұбалмай, тиянақты түрде болуы шарт. Ол үшін диграфтардан қашпай, бір әріп бір дыбыс қағидасын ұстанған жөн, - дейді ғалым.

Сөз бұзылмау керек, сөздің дыбысталуы бұзылмауы керек. Сондықтан алдыңғы жобаны жалпы халық қабылдамады деп ойлаймыз. Кешегі ұсынылған жоба әлдеқайда тиімді, көкейге қонымдырақ болып көрінді. Бірақ мұнда да әлі де қарастырылатын мәселелер бар. Түймелер немесе жаңағы үтіршелер, қосалқы әріптер болған жағдайда немесе сол әріптің баламасы болғанда, қойылу керек. Баламасы жоқ болса, оларды қойып қажеті жоқ,- дейді философия ғылымдарының кандидаты Кеңшілік Тышқан.

Тіл мамандары латын қаріпіне көшудің жаңа нұсқасын күні кеше Президентке ұсынған болатын. Нұрсұлтан Назарбаев "бірде бір мемлекет біз сияқты әліпбиін халық пікірімен санаса отырып жасақтаған жоқ" деп атап өткен болатын.

Дәуренбек Бақдәулет

Фото: kazakh-tv.kz


Следите за новостями zakon.kz в:
Поделиться
0
КОММЕНТАРИИ
Главная Топ LIVE Все
Будьте в тренде!
Включите уведомления и получайте главные новости первым!

Уведомления можно отключить в браузере в любой момент

Подпишитесь на наши уведомления!
Нажмите на иконку колокольчика, чтобы включить уведомления