Новости
В других СМИ
Загрузка...
Читайте также
Новости партнеров

Алматылық ғалымдар апорттың жаңа сортын өсіруде

Жаратылыстану факультетінің ғалымдарының айтуынша, әйгілі апорттың бұл сортының тәттілігі бұрынғыдан жоғары, жемісті ерте береді.

Фото : ҚазАқпарат15 июня 2018, 11:35

Қазақ мемлекеттік қыздар педагогикалық университетінің ғалымдары апорт алмасының жаңа көшеттерін өсіріп, таратуды қолға алды. Бұл жайында аталған оқу орнының Баспасөз және қоғаммен байланыс бөлімінен мәлім етті, деп хабарлайды ҚазАқпарат тілшісі.

Университеттің Қапшағай қаласының маңындағы агробиостанция кешені аумағын тиімді пайдалану, болашақ мамандардың білімін тәжірибемен ұштастыру бағытында қолға алынған бұл жобаның өнімі тек диқандар үшін ғана емес, сондай-ақ отандық биолог ғалымдар мен тұрғындар үшін де үлкен маңызға ие.

Жаратылыстану факультетінің ғалымдарының айтуынша, әйгілі апорттың бұл сортының тәттілігі бұрынғыдан жоғары, жемісті ерте береді. Өнім түсімі мол.

«Ресми деректерге сүйенер болсақ, алматылықтар жылына 17 мың тонна апорт жейді екен. Содан да болар, оңтүстік астана билігі уақтысында даңқы дүркіреген атақты апортты қайтадан көбейтуге тырысып жатыр. Мемлекет басшысы Нұрсұлтан Назарбаев Алматыға келген сапарында алманың бұл түрін қайта жаңғыртуды нақты тапсырған болатын. Бүгінде осы бағытта бірқатар істер жүйеленіп, ауқымды жұмыстар жасалуда. Егерде қолға алынған жоспарлар мен жобалардың барлығы жүзеге асса болашақта Алматының атын шығарған апорт қайта түлемек. Біздің де басты мақсатымыз осыған саяды», - дейді Қыздар университетінің ғалымдары.

Мамандардың пайымдауынша, апорттың азаюына негізгі себеп - экологиялық фактор. Сонымен қатар, апорт бақтарына арнайы сараптама жасалмай, аналық ағаштардың жүйесіз көбейтілуі де өз әсерін тигізуде.

«Бұрын Іле Алатауының табиғаты аталған алма сортын өсіруге қолайлы болған-тын. Апорт теңіз деңгейінен 900-1200 метр биіктікте жақсы өседі. Өйткені, осы шамада қажетті жылуға жақсы қанығады. Ал соңғы уақытта жеміс ағаштарының өсу деңгейі тым төмендеп кетті. Осының әсерінен жылу артықтығы секілді түрлі факторлар алманың бұрынғы құнарлығын жоғалтты. Біз апорт көшеттерін өсіру барысында осыған баса мән береміз», - деп атап өтті биолог ғалымдар.



Больше важных новостей в Telegram-канале «zakon.kz». Подписывайся!

сообщить об ошибке
Сообщить об ошибке
Текст с ошибкой:
Комментарий:
Сейчас читают
Читайте также
Загрузка...
Интересное
Архив новостей
ПнВтСрЧтПтСбВс
последние комментарии
Последние комментарии