Новости
В других СМИ
Загрузка...
Читайте также
Новости партнеров

Нығматулин Американың Қазақстандағы елшісін қабылдады

Тараптар екіжақты қарым-қатынасты, соның ішінде, парламентаралық ынтымақтастықты нығайтудың өзекті мәселелерін талқылады.

Фото : Мәжілістің баспасөз қызметі15 апреля 2019, 14:20

Бүгін, 15 сәуір күні, Мәжіліс Төрағасы Нұрлан Нығматулин Америка Құрама Штаттарының Қазақстандағы Төтенше және Өкілетті елшісі Уильям Мозерді қабылдады, деп хабарлайды Zakon.kz Мәжілістің баспасөз қызметіне сілтеме жасап.

Тараптар екіжақты қарым-қатынасты, соның ішінде, парламентаралық ынтымақтастықты нығайтудың өзекті мәселелерін талқылады.

Н. Нығматулиннің пікірінше, Америка елімен жан-жақты әрі өзара тиімді қатынасты нығайту біздің еліміздің сыртқы саясатының маңызды бағыттарының бірі. Ағымдағы жылы қос мемлекет арасында дипломатиялық қатынастың орнағанына 28 жыл толады. Осы уақыттар ішінде, сенімді саяси диалог орнап, екіжақты байланыс кеңейтілген стратегиялық әріптестік деңгейіне жетті.

Палата Төрағасы атап өткендей, 2018 жылы Қазақстанның Тұңғыш Президенті Нұрсұлтан Назарбаевтың АҚШ-қа ресми сапары біздің елдеріміз арасындағы ықпалдастықтың айрықша сипатын көрсетті.

Сауда-экономикалық саланы сөз еткенде, Н. Нығматулин екіжақты тауар айналымы 2018 жылы 2,25 млрд. долларға жеткенін, өткен жылмен салыстырғанда 37 пайызға өскенін алға тартты.

Мәжіліс Төрағасының айтуынша, екі мемлекеттің инвестициялық ынтымақтастығында қаржы секторы, көлік, коммуникация, тау-кен өндірісі, фармацевтика салалары басым бағыттарға ие.

Мәжіліс Спикері елдеріміз арасындағы парламентаралық өзара іс-қимылды тереңдетудің маңыздылығын айтты.

Мәжілісте АҚШ-пен ынтымақтастық жөніндегі топ жұмыс істейді. Америкада құрылған "Қазақстан достары тобымен де" белсенді әріптестік бар. Н. Нығматулин заңнамалық тәжірибені меңгеру және етене байланыс орнтау мақсатында аталған топтар мен бейінді комитеттер деңгейінде сапарлар алмасу пратикасын енгізудің қажеттілігіне тоқталды.

Сондай-ақ, Мәжіліс Спикері АҚШ Конгресі қаржыландыратын "Ашық әлем" бағдарламасының да депутаттар мен аппарат қызметкерлері үшін құқықтық және кәсіби тәжірибе алмасудың ерекше мүмкіндігі екенін атап өтті.

Тараптар бірлескен сындарлы жұмыс - парламентаралық байланыстарды, сонымен бірге, екіжақты қатынастарды нығайтуға кең жол ашатынына сенімді.


Больше важных новостей в Telegram-канале «zakon.kz». Подписывайся!

сообщить об ошибке
Сообщить об ошибке
Текст с ошибкой:
Комментарий:
Сейчас читают
Читайте также
Загрузка...
Интересное
Архив новостей
ПнВтСрЧтПтСбВс
последние комментарии
Последние комментарии