Горячие новости
Читайте также

Армян нөмірлі автокөліктер алаяқтарға жақсы болды

35 жастағы Ақтөбе тұрғыны 4 алаяқтық фактісі үшін ұсталды.

Фото : видеодан кадр16 октября 2020, 16:01

Ақтөбелік полицейлер Ақтөбе қаласының тұрғынын ұстады, ол 4 алаяқтық фактісі бойынша күдікті болып отыр, деп хабарлайды zakon.kz Ақтөбе облысының ПД баспасөз қызметіне сілтеме жасап.

13 қазанда полицияға 34 жастағы Петропавловка ауылының тұрғыны алаяқтық фактісі туралы арызданды. Арызданушының айтуынша, оған онша таныс емес ер адам Ақтөбе қонақ үйінің жанында армян автокөлігін қайта ресімдеу үшін сертификат алуға көмек көрсетемін деп алдап, оның 26 мың теңге сомасындағы ақшасын иемденген. Күдікті ұсталып, Ақтөбе қаласы ПБ уақытша ұстау изоляторына қамалды.

Сондай-ақ, полицейлер оның осыған ұқсас тағы үш қылмыс жасауға қатыстылығын анықтады.

7 қазанда күдікті армян есебіндегі автокөлікті қайта ресімдеу үшін сертификат алуға көмек көрсетемін деп алдау арқылы 36 жастағы жергілікті тұрғыннан 25 мың теңге сомасындағы ақшаны иемденген.

8 қазанда осы күдікті 12-ші мөлтек ауданда армян автокөлігін қайта ресімдеу үшін сертификат алуға көмек көрсетемін деп 46 жастағы ақтөбелік тұрғыннан 25 мың теңге алған.

8 қазанда күдікті дәл осындай жолмен Тургенев көшесіндегі дәмхана жанында 1984 жылы туған ақтөбеліктен алдау арқылы 25 мың теңге сомасында ақша алған.

Барлық фактілер бойынша "Алаяқтық" бабымен сотқа дейінгі тергеу жүргізілуде.

Ақтөбе облысының Полиция департаменті ақтөбеліктерді аса сақ болуға және алаяқтардың құрбаны болмас үшін бейтаныс адамдарға сенбеуге шақырады. Құнды заттарды немесе ақшаны бейтаныс адамдарға бермес бұрын әбден тексеру және қырағылық таныту қажет.


Больше новостей в Telegram-канале «zakon.kz». Подписывайся!

сообщить об ошибке
Сообщить об ошибке
Текст с ошибкой:
Комментарий:
Сейчас читают
Интересное
Архив новостей
ПнВтСрЧтПтСбВс
последние комментарии
Последние комментарии