"Ислам мемлекеті" Ниццадағы теракті үшін жауапкершілікті өз мойнына алды

Париж прокуратурасы терактіні Ниццаның 31 жастағы тұрғыны Мохамед Лахуайедж Бухлельдің жасағанын растады.

"Ислам мемлекеті" 80 адам құрбан болған франциялық Ниццадағы теракті үшін жауапкершілікті өз мойнына алды, деп хабарлайды «ҚАЗАҚСТАН ЖАҢАЛЫҚТАРЫ АА», "Аль-Джазира" телеарнасына сілтеме жасай отырып.

Телеарнаның хабарлауынша, лаңкестер бұл туралы өздерінің БАҚ-тары арқылы жеткізген.

Еске сала кетсек, 14 шілдеде Ницца қаласында теракт орын алды. Бейсенбіде кешке англиялық Ницца жағалауында жүк көлігі Бастилияны азат ету күнін мерекелеп жүрген бір топ адамды қағып, жаншып өткен.Куәгерлердің мәліметінше, жүк көлігі зигзаг қозғалысымен тоқтамай, жағалауда екі шақырымға жуық жерде адамдарды басып-жаншып өтті. Бастапқы дерек бойынша, шабуылдан кемінде 84 адам қаза тапты, 40-қа жуық адам жарақат алып, ауыр халде жатыр.

Полиция лаңкестің көзін жойды. Париж прокуратурасы терактіні Ниццаның 31 жастағы тұрғыны Мохамед Лахуайедж Бухлельдің жасағанын растады.

Фото: ria.ru