ШҚО-да Махаббат аллеясы ашылды

Орталықта орын тепкен көрікті мекен Әзілхан Нұршайықовтың «Махаббат, қызық, мол жылдар» шығармасының желісі бойынша безендірілген.

Шығыс Қазақстан облысы Жарма ауданының орталығы Қалбатау ауылында Махаббат аллеясы ашылды. Орталықта орын тепкен көрікті мекен Әзілхан Нұршайықовтың «Махаббат, қызық, мол жылдар» шығармасының желісі бойынша безендірілген, деп жазады 24.kz арнасы.

Қос аққу мен қос ғашықтың бейнесі махаббаттың символы іспеттес, - дейді ұйымдастырушылар. Бүгінде мұнда ауыл халқы мен қонақтары, жаңадан шаңырақ көтерген жастар жиі келетін болыпты. Майдангер жазушының туған жері осы Жарма ауданы екенін естеріңізге сала кетейік.

Авторы: Болат Көкенайұлы

Фото: 24.kz