Ақмола облысында 16 жастағы қыз отыз метр биіктіктен секіріп кетпекші болды

Қазір жасөспіріммен психологтар мен әлеуметтік педагогтар жұмыс істеуде.

Ақмола облысында полицейлер 16 жастағы қыздың суицид жасамақ болған әрекетінің алдын алды. Бұл туралы stan.kz, облыстық ІІД баспасөз қызметі берген ақпаратқа сілтеме жасап хабарлайды.

“Бестөбе ауылындағы полиция бөлімшесіне жас қыздың биіктігі 30 метр болатын қаңырап қалған ғимарат төбесінен секіргелі жатқаны туралы хабар келіп түсті. Ол өзінің жігітімен ұрысып қалғаннан кейін осындай қадамға барған. Келіссөз кезінде полицейлер қызды секірмеуге көндірді”, – делінген хабарламада.

Баспасөз қызметі қызға медициналық көмек көрсетілгенін, жағдайы жақсы екенін айтты. Қазір жасөспіріммен психологтар мен әлеуметтік педагогтар жұмыс істеуде.

Фото: zapad24.ru