Жетісулық шебер әйнек сынығынан мешіттің шағын моделін жасайды

Ішіне кішкентай шамдар орнатылған Алла Тағаланың жердегі үйлері жан-жағына жарық шашып тұрады.

Сарыөзек ауылының тұрғыны Айбек Хусман әйнектен мешіт жасайды, деп хабарлайды Хабар 24 арнасы.

Ол бұған дейін Жетісу жеріндегі осындай он шақты мешіттің үлгісін жасап, достары мен туыстарына сыйлапты.

Ішіне кішкентай шамдар орнатылған Алла Тағаланың жердегі үйлері жан-жағына жарық шашып тұрады. Көргенде көздің жауын алатын қолөнер туындысына қызығушылық білдіргендер Айбекке тапсырыс бере бастаған.

«Болашақта намаз басталарда азан шақыратын мешіттер жасасам ба деймін. Осылайша бойымдағы өнерді ары қарай дамыта бермекпін. Бүгінде көптеген адамдар сынған әйнекті керексіз дүние деп есептейді. Ал одан осындай дүниелерді жасауға болады»,- дейді Айбектің өзі.

Айбек Хусман, қолөнер шебері:

- Әйнектен неше түрлі зат жасауға болады ғой. Көп ел ойлайды не істеймін мұны, керегі жоқ деп қоқысқа лақтырады да. Ол заттың өзінен әртүрлі зат жасауға болады. Ол адамның ебіне байланысты енді. Шын ниетпен жасау керек қой, адал ниетпен.

Фото: 24.kz