Батыс Қазақстан облысының соттары былтыр 60 мыңнан астам істі қараған. Апелляциялық инстанциялармен қаралған шешімдердің 90%-ы заңды деп танылды, деп хабарлайды 24 kz арнасы.
Соттардың іс-әрекетіне байланысты шағымдар 3 есеге дейін азайды. Сонымен қатар, медиация рәсімін қолданумен 435 қылмыстық іс қысқартылған. Бек Әметов, облыстық соттың төрағасы: - Былтыр Республикадағы соттармен 1 млн 200 мыңның үстінде іс қаралған. Бұл – 2013-2014 жылдарға қарағанда біршама жоғары көрсеткіш. Соның ішінде 61 мың 721 іс пен материалды БатысҚазақстан облысының соттары қараған. Соңғы жылдары халықтың сот жүйесіне деген сенімі нығайып келеді. Бұл, әрине, қуантарлық жағдай.
Фото: today.kz