Аслан Сәрінжіпов «Назарбаев Қорының» президенті болып тағайындалды, деп хабарлайды Zakon.kz, ҚР Білім және ғылым министрлігінің баспасөз қызметінің берген мәліметіне сүйеніп.
Бүгіннен бастап, Аслан Бәкенұлы Сәрінжіпов «Назарбаев Қоры» президенті және «Nazarbayev University» қамқоршылық кеңесінің мүшесі болып тағайындалды.
Естеріңізге сала кетейік, Мемлекет басшысының Жарлығымен Аслан Бәкенұлы Сәрінжіпов басқа жұмысқа ауысуына байланысты Қазақстан Республикасының Білім және ғылым министрі қызметінен босатылды.
10 ақпан күні Білім және ғылым министрі болып Ерлан Сағадиев тағайындалды.
Фото: matritca.kz