Қазақстан Иран мемлекетіне келісіне 1288 теңгеден ет тасымалдайтын болды. Бұл баға Инвестиция және даму министрі Әсет Исекешевтің ресми сапары барысында бекітілді,деп хабарлайды Алматы телеарнасы.
Отандық кәсіпорындар апта сайын 17 тонна, яғни құны 60 мың доллар болатын ет өнімдерін, сонымен қатар Ирандағы құс фабрикаларына 1 млн доллар болатын жүгері тасымалдамақ. Айта кетейік, Тегеранда болған бизнес форумда 200 отандық компания мен Иранның 700 компаниясы арасында келісім орнады.
Бұдан бөлек, құны 150 млн доллар болатын мәмілеге де келісім жасалды. Болашақта Иранға 200 вагон, 70 электровоз, 75 магистральды тепловоз бен, 130 мың тонна рельс және 5000 жүк вагондарын сату жоспарланған.
Фото: www.bbqmag.ru