Павлодар облысы ІІД ұйымдастырылған қылмыспен күрес басқармасының қызметкерлері Павлодарское ауылының 66 жастағы тұрғынынан қару-жарақ тәркіледі, деп хабарлайды pavlodarnews.kz.
Бұл туралы агенттікке облыстық ІІД баспасөз қызметі хабарлады. - Ер адамнан әртүрлі төрт тапанша мен 30 түрлі калибрлі оқ, 12 калибрлі аң аулайтын мылтық, тегіс ұңғылы қаруға арналған 665 оқ, осы қарудың 18 оқпаны, капсула және қарудың құрамдас бөлігінің 243 бірлігі табылды, - деді ІІД-де.
Ведомствода хабарлағандай, құқық қорғау органдарына ер адамның мұнша оқ-дәрі мен қару-жарақты қандай мақсатпен сақтап жүргенін білу қажет. Қазіргі уақытта қаруды жөндеуге және қайта жаңадан жасауға тапсырған адамдар жайлы ақпарат пен құрамдас бөліктердің зауыттық нөмірлері анықталуда.
Фото: www.1366x768.net