Алматыда түнгі клубтағы төбелесте ер адам қайтыс болды. Жанжал 8 сәуірден 9 сәуірге қараған түні болған, деп хабарлайды ҚазАқпарат.
Түнгі клубтың күзетшісі мен келушілердің бірі сөзге келіп қалған.
«Күзетшілер ер адамды соққыға жыққан. Олардың бірі келушіні есіктен итеріп шығармақ болғанда әлгі адам тасқа құлап, басынан ауыр жарақат алған. Салдарынан 30 жастағы ер адам қайтыс болды. Бұл дерек ҚР ҚК 106-бабы бойынша сотқа дейінгі бірыңғай тергеу ісі реестріне тіркелді. Қазір екі күдікті де уақытша ұстау оқшаулағышына қамалды», - деді Алматы қ. ІІД ресми өкілі С.Әзірбек.
Гүлмира Ғосманәли
Фото:inform.kz