Қостанай қаласының мамандандырылған әкімшілік соты 1990 жылы туған азаматша В-ға қатысты әкімшілік істі қарады. Ол ҚР ӘҚБтК 444 бабы 1 бөлігі бойынша әкімшілік жауапкершілікке тартылған, деп хабарлайды alau.kz.
Әкімшілік құқық бұзушылық туралы хаттамаға сәйкес, азаматша В. ағымдағы жылдың 2 сәуірінде сағат 15.55 шамасында Қостанай қаласындағы орталық базар маңында Алтынсарин көшесінің бойындағы автобус аялдамасында өткендерді қаражатына құмар ойынға шақырып адамдары үгіттеген.
Сот отырысы барысында В. өзінің Рудный қаласында тұратынын, сол Қостанай қаласына келіп Алтынсарин көшесінің бойындағы орталық базарға келіп, сол жерде аялдамада «Алик-малик-шарик» ойнын ойнағнын мәлімдеді. Ол өзімен үш кесе мен бір кішкене шар алып келген. Көшеде ойынауға болмайтынын білмеген.
Азаматша В-ның әрекеті ҚР ӘҚБтК 444 бабы 1 бөлігімен дәрежеленген. Яғни, құмар ойындарға (ақшаға, затқа және өзге де құндылықтарға) бұл үшiн бөлiнбеген орындарда қатысу, сол сияқты бұған арнайы рұқсаты жоқ адамдардың спорттық және өзге де жарыстарға ставка қабылдауы.
Сот қаулысымен азаматша В. мемлекет пайдасына 296 940 теңге көлемінде айыппұл төлеу түріндегі әкімшілік жауапкершілікке тартылды-деп хабарлайды облыстық сот.
Фото:omskregion.info