Павлодарда 1 Мамыр көшесі, 286 мекенжайы бойында орналасқан көп қабатты тұрғын үйде қоқыс өртеніп, 30 адам сыртқа шығарылды, деп хабарлайды pavlodarnews.kz.
Бұл туралы облыстық ТЖД мемлекеттік тіл және ақпарат тобының бас маманы Марал Сағынаева мәлім етті.
- Қоқыс құбырынан шыққан қою түтіннің салдарынан өрт сөндірушілердің қатысуымен тұрғындар далаға шығарылды. Олардың 12-сі – балалар. Тілсіз жаудың орын алғаны туралы хабарлама 16-маусым күні кешкі сағат сегізде түскен. Оқиға орнына № 2, 34 өрт сөндіру бөлімінің құтқарушылары жұмылдырылды, - деді Марал Сағынаева.
Ақбота Сейсенбаева
Фото: pavlodarnews.kz
