Павлодарда орталық жағажайға шомылуға келген №39 мектептің екі жасөспірім өлім аузынан құтқарылды, деп хабарлайды pavlodarnews.kz.
Облыстық ТЖД мемлекеттік тіл және ақпарат тобы мәлім еткендей, кеше кешкі сағат 19.20-да орталық жағажайда біріңғай-кезекші диспечерлік қызметі басқармасының құтқарушылары суға батып бара жатқан екі жасөспірімді байқаған. Жүзіп бара жатқан кемеден қыздарға тасталған құтқару шеңберіне тек біреуі ғана ілінген. Екіншісін құтқарушылар судан аман алып шықты. Он екі жастағы қыздарға алғашқы медициналық көмек көрсетілді. Кейін ата-анасы шақыртылып, оқушылар үйлеріне қайтарылды.
Назым Қарабаева
Фото: enigma-project.ru