Бүгін облыс әкімінің орынбасары Ұласбек Сәдібековтың төрағалығымен кәмелетке толмағандардың ісі және олардың құқығын қорғау жөніндегі қомиссияның отырысы өтті. Жиынға облыстық комиссия мүшелері, облыстық прокуратура, Әділет департаменті мен ОҚО ІІД жергілікті полиция қызметінің өкілдері, облыстық басқарма басшылары қатысты. Күн тәртібінде әлеуметтік жетімдікті және кәмелетке толмағандардың құқығын қорға және олардың арасындағы құқық бұзушылықтың алдын алу мен балалардың жазғы демалыс кезінде бос уақытын тиімді өткізуі мақсатында лагерлермен қамтылуы туралы 3 мәселе қаралды. Бұл туралы zakon.kz, ОҚО әкімінің баспасөз қызметі берген ақпаратқа сілтеме жасап хабарлайды.
Мәжілісте облыстық білім басқарма басшысының міндетін атқарушы Е.Бұрханов, облыстық жұмыспен қамтуды ұйлестіру және әлеуметтік бағдарламалар басқармасының басшысы Ә.Темірбаева, ОҚО ІІД Жергілікті полиция қызметі бастығының орынбасары М.Зұлпыхаровтың баяндамалары тыңдалды.
Баяндамашыларды тыңдаған Ұ.Сәдібеков адам құқығы, бала құқығын қорғаудан басталатынын айтып, бірқатар мәселер бойынша жауапты сала басшыларына нақты тапсырмалар берді.
Фото: ontustik.gov.kz