Оралда тамақтан уланған 19 адам жұқпалы аурулар ауруханасына түскен. Төртеуі бала, деп жазады Хабар 24 арнасы.
Аурухананың бөлім меңгерушісі Гүлнәр Нәжімованың айтуынша, олардың барлығына да өткір ішек инфекциясы деген диагноз қойылып отыр.
Шағымдары қызудың көтерілуі, құсу, іштің бүріп ауруы, нәжістің сұйық болуы. Науқастардың бәрі 6-ықшамаудандағы «Бургер стрит» деген дәмханадан тез дайындалатын гамбургер, чизбургер секілді тағамдарды сатып алған. Олардың арасындағы 8 жасар қыздың жағдайы ауыр, ал қалғандары орташа. «Қазір оларға тиісті ем-дом шараларын жасап жатырмыз», - дейді дәрігерлер.
Авторы: Талғат Серікқалиұлы
Фото: www.burgermeister.ru