Бірнеше күннен бері жұртты титықтатқан қатты аяздың беті әлі қайтар емес. Осы күндері қыстың қытымыр мінезін пайдаланып, пайда тауып жатқандар да бар. Елдегі дүкендердің бірінің есігінде ілінген ерекше хабарландыру сөзіміздің дәлелі болса керек, деп хабарлайды Baq.kz.
Әлеуметтік желілерде тараған мына бір хабарландыру қазақстандықтарды таңғалдырды. Дүкендердің бірі сақылдаған сары аязда тоңғандарға 100 теңгеге жылынып алуды ұсынған. Мұндай идея кімнің ойына келгені белгісіз.
Бұған дейін, ТЖК солтүстік өңірлерде аязға байланысты дабылды ескерту жарияланғанын хабарлаған еді.
«19-20 қараша күндері Қарағанды, Қостанай, Солтүстік Қазақстан, Ақмола, Павлодар, Шығыс Қазақстан облыстарында 40 градус аяз болуы мүмкін», - деп жазылған ескертуде.
Фото: Baq.kz