Қызылорда облысында кеше кешке өңірдің солтүстігіндегі Қармақшы мен Жалағаш аудандарының арасын жалғап тұрған автомобиль көпірінің бір бөлігі құлап түсті, деп жазады Хабар 24 арнасы.
Оған себеп, күн күрт жылып, Сырдария өзені деңгейінің көтерілуі. Соның салдарынан Жосалы-Жалағаш көтерме жолының 34 шақырымында көпірдің үш метр жолағы құлап түскен. Жергілікті билік өкілдерінің айтуынша, 18 метрлік қос жолақты өткелдің салынғанына 20 жыл болған. Қазір таңда мұндағы қозғалыс тоқтады. Ал көпірді қалпына келтіру жұмыстары қашан басталатыны әзірге белгісіз.
Фото: 24.kz
