Ақмола облысында ауа райының нашарлауына байланысты (қар, боран, жолдың көрінбеуі) «Екатеринбург-Алматы» тасжолының Астанадан Қарағанды облысының шекарасына дейінгі 1280-1353 шақырымы барлық көлік түрлеріне жабылды, деп жазады Хабар телеарнасы.
Алматы облысында ауа райының қолайсыздықтарына байланысты (қатты боран, жолдың көрінбеуі) «Үшарал-Достық» тасжолының 83-184 шақырымы барлық көлік түрлері үшін жабылды.
Сондай-ақ Қарағанды облысында Ақмола облысында ауа райының нашарлауынан «Астана-Киевка-Теміртау» тасжолының Ақмола облысынан Киевка ауылына дейінгі 51-104 шақырымы, «Екатеринбург-Алматы» тасжолының Ақмола облысынан Теміртау қаласына дейінгі 1353-1424 шақырымы, «Жезқазған-Петропавл» тасжолының Ұлытау кентінен Қостанай облысына дейінгі 138-252 шақырымы барлық автокөліктер үшін жабық тұр.
Қостанай облысы ауа райының қолайсыздықтарынан (-30°С температураға дейін төмендеуі, қар) «Мамлютка-Қостанай» автожолының Ұзынқол кентінен Троебратский кентіне дейінгі 180-252 шақырымы, «Екатеринбург-Алматы» автожолының Сарыкөл селосынан СҚО шекарасына дейінгі 686-729 шақырымы дизельді, қоғамдық және жүк көліктері үшін жабылды.
Сондай-ақ ауа температурасының -40 ºС-қа дейін төмендеуіне байланысты бүгін сағат 10:30-да дизель отынды автокөліктер үшін барлық бағытқа жолдар жабылды. Солтүстік Қазақстан облысында ауа температурасының -40-қа дейін күрт сууына байланысты дизель отынды, қоғамдық және жүк көліктеріне барлық бағыт бойынша қозғалыс тоқтатылды.
Фото: khabar.kz