Атырау тұрғыны өзінің 16 жастағы жиен қарындасына әбден масайғанша арақ ішкізген. Бұл туралы stan.kz, кәмелетке толмағандардың ісін қарайтын ауданаралық мамандандырылған соттың баспасөз қызметі берген ақпартқа сілтеме беріп хабарлады.
Әкімшілік іс “Кәмелетке толмаған жасөспірімді мас күйге түсіру” бабы бойынша қаралған. Құрманғазы ауданының тұрғыны өзіне туыс болып келетін кәмелетке толмаған қыз баламен бірге арақ ішкен.
Сот отырысы кезінде ер адам өз кінәсін мойындады. Олар дүкенге екінші рет арақ алуға барған кезінде тәртіп сақшыларына ұсталып қалыпты. Сот үкімімен құқық бұзушы кінәлі деп танылып, 42 420 теңге айыппұл төлейтін болды.
Фото: stan.kz