Қызылордада бейнебақылау камерасының көмегімен шырша ойыншықтарын ұрламақ болған тұрғын ұсталды. Бұл туралы stan.kz, Облыстық ІІД-ның баспаөз қызметі берген ақпаратқа сілтеме жасап хабарлайды.
19 қаңтар күні түнгі уақытта кезекші инспектор бейнебақылау камерасынан ер адамды байқап қалады. Ол шырша ойыншықтарын ұрлап, көлігімен жасырынбақ болған.
Ол жерге полицейлер жасырын барып, 1982 жылғы азаматты ұстады. Қазір тергеу жүріп жатыр.
Бейнебақылаудың көмегімен жыл басынан бері 8 қылмыс ашылып, 1606 әкімшіліқ құқық бұзушылықтар анықталған.
Фото: stan.kz