Ертіс ауданында Бөгенбай көшесінде орналасқан үйден өрт шығып, салдарынан зейнеткер зардап шекті, деп хабарлайды pavlodarnews.kz.
Облыстық ТЖД-нің мәліметінше, өрт орын алғаны туралы хабарлама кезекшілік бөліміне сағат шамамен төртте түскен. Қызыл жалын 45 шаршы метр аумақты шарпыған. Оқиға орнынан ысты газбен уланған 1937 жылы туған адам ауруханаға жеткізілді.
Тілсіз жауды ауыздықтауға жеке құрамнан 10 адам мен екі бірлік техника жұмылдырылып, сағат 19.05-те өрт толығымен сөндірілді. Қазіргі таңда өрттің шығу себебі мен келтірілген шығын көлемі анықталуда.
Ақбота Сейсенбек
Фото: Рavlodarnews.kz