2016 жылдың қорытындысы бойынша Қытайдың үздік аниматоры болып этникалық қазақ жігіт Арысбек Нұханұлы танылды, деп хабарлайды ҚазАқпарат.
Қытай төрешілері Арысбектің екі халық арасындағы достықтың нығаюына көп үлес қосқанын атап өтті. Арысбектің 8 минуттық «Мен жайлауданмын» атты мультфильмі Айбар деген баланың ерлігін баяндайды. Айбар балалығына қарамай әкесі екеуінің бір отар қойын қорғаймын деп қасқырлармен арпалысқан.
Былтыр Арысбектің мультфильмі қытай студенттері арасындағы кинофестивалдің 1-орнын, ал, Азия жастарының кинофестивалінде бас жүлде иеленген. Қазір Арысбек Ұлы Жібек жолының тарихы туралы 90 минуттық мультфильм жасауға кіріскен.
Фото: www.inform.kz