Атырауда прокуратура өтіп жатқан жер аукционының заңсыз тоқтатылғанына наразылық білдірді, деп хабарлады «ҚазАқпарат» ХАА.
«Қала прокуратурасына Атырау облысы кәсіпкерлер палатасының мүшелері жүгінді. Олар әкімдіктің ауыл шаруашылығы өндірісін жүргізуге арналған 9,96 гектар жер учаскесіне аукционды тоқтатқанына шағымданды. Прокуратура жергілікті атқарушы органның кәсіпкерлік субъектілеріне жер учаскелерін беруде заң бұзушылықты анықтады. Жергілікті атқарушы орган өзінің іс-қимылымен кәсіпкерлік қызметті дамыту саясатына кедергі келтірді. Анықталған заң бұзушылықтар бойынша прокуратура оны жою туралы ұсыным шығарды», - деп хабарлады қалалық прокуратураның баспасөз қызметі.
Фото: www.inform.kz