Лента новостей
0

Ақтөбе облысында жол-көлік апатынан екі ересек адам жараланып, екі бала қаза тапты

Zakon.kz, фото - Новости Zakon.kz от 13.07.2016 15:39 Zakon.kz
Апат 9 шілде күні болған, алайда оқиғаның мән-жайы енді ғана белгілі болып отыр.

Ақтөбе облысы ІІД баспасөз қызметі 9 шілде күні таңғы 4-те Белқопа ауылының маңындағы Қарабұтақ-Хромтау автожолында жол-көлік апаты болғанын хабарлады. 33 жастағы Хромтау тұрғыны, «Фольксваген пассат» автокөлігінің жүргізушісі, жыраға түсіп кеткен, деп жазады ҚазАқпарат ХАА.

Ауыр жарақат алған сегіз және бір жастағы екі қыз Әйтеке би ауданының ауруханасында қайтыс болды. Тағы бір қыз бала басынан жарақат алып, көптеген жері сынған. Оны санавиация көмегімен облыстық балалар ауруханасына алып кетті. Қазір жансақтау бөлімінде жатыр. Жол апатынан зардап шеккен тағы бір бала 10 жаста. Оның жағдайы қанағаттанарлық, жабық бассүйек-ми жарақатын алған және туыстары Хромтауға емдеуге алып кетті.

Санавиация Әйтеке би ауданы ауруханасынан облыстық жедел жәрдем ауруханасына екі ересек адамды - 33 жастағы жүргізуші мен 34 жастағы жолаушыны алып келді. Олардың жағдайы өте ауыр, жарақаты да өте көп. Дәрігерлер еш болжам жасай алмай отыр.

Дәрігерлердің хабарлауынша, қайтыс болған қыздар мен ересек жолаушылар - бір отбасы мүшелері. 10 жасар ұл - жиендері.

Мәліметтер бойынша қылмыстық іс қозғалып, тергеу жұмыстары жүргізілуде. Медициналық сараптама нәтижесі жүргізушінің сау болғанын көрсетті.

Фото:vesti.dp.ua

Следите за новостями zakon.kz в:
Поделиться
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Будьте в тренде!
Включите уведомления и получайте главные новости первым!

Уведомления можно отключить в браузере в любой момент

Подпишитесь на наши уведомления!
Нажмите на иконку колокольчика, чтобы включить уведомления
Сообщите об ошибке на странице
Ошибка в тексте: