Обнаружено блокирование рекламы на сайте

Уважаемые пользователи,

создатели сайта не желают превращать его в свалку рекламы, но для существования нашего сайта необходим показ нескольких баннеров.

просим отнестись с пониманием и добавить zakon.kz в список исключений вашей программы для блокировки рекламы (AdBlock и другие).

ҚР Қорғаныс министрі И.Тасмағамбетов Ольга Рыпаковаға «Парасат» орденін табыс етті

31 августа 2016, 13:04

Иманғали Тасмағамбетов Риода сәтті өнер көрсеткені үшін Ольга Рыпаковаға мерзімінен бұрын кезекті «майор» әскери атағы беріліп, бағалы сыйлықтар табысталды.

ҚР Қорғаныс министрі Иманғали Тасмағамбетов жеңіл атлетші, Рио-де-Жанейрода өткен Олимпиада ойындарының қола жүлдегері ҚР ҚМ АОСК-ның капитаны Ольга Рыпаковаға құрмет көрсетті. «Барша әскери қызметшілердің және жеке өзімнің атымнан барлық армияшы спортшылардың күш-жігерін атап өткім келеді. Және әрине, жеңіл атлетикада биік шыңды бағындырып, үшінші орынға қол жеткізген біздің Ольга Рыпакованы құттықтағым келіп отыр. Сөзсіз, барлық марапаттарыңыздың ішінде «қола» жүлдеңіздің алар орны айрықша. Елбасымыз – ҚР Қарулы Күштеріміздің Жоғарғы Бас Қолбасшысы атап өткендей, ол «алтын» жүлдеге әбден лайық, себебі, Лондон мен Рио Олимпиадалары арасында Ольга Рыпакова сымбаты мен спорттық қасиетін сақтай отырып, екі рет ана атанып үлгерді». Дәл Сіз секілді адамға қарап барша Қазақстанның жастары бой түзейді және Сіз арқылы нағыз армиялық спортты біле бастайды», - деді қорғаныс ведомствосының басшысы Иманғали Тасмағамбетов. ҚР ҚК Жоғарғы Бас Қолбасшысының атынан Иманғали Тасмағамбетов спортшыға «Парасат» орденін табыс етті. Одан басқа, Риода сәтті өнер көрсеткені үшін Ольга Рыпаковаға мерзімінен бұрын кезекті «майор» әскери атағы беріліп, бағалы сыйлықтар табысталды. Бұл туралы zakon.kz, ҚР Қорғаныс Министрлігінің баспасөз қызметі таратқан ақпаратқа сілтеме беріп хабарлайды.

«Мен барша қазақстандықтарға, Нұрсұлтан Әбішұлына, Сізге, АОСК-ның барлық басшылығына алғысымды білдіргім келеді. Баршаларыңыз маған жанкүйер болып, қолдау көрсеттіңіздер, көптеген ізгі тілектер айтылды. Қазақстан Республикасына және спортқа қызмет етемін! Мен әрі қарай да барлық әлемдік ареналарда өнер көрсетіп, қазақстандық спорт пен қазақстандық армияның абыройын асқақтатқым келеді», - деп Ольга Рыпакова риясыз ризашылығын білдірді.

ҚР Қорғаныс министрлігі Армия орталық спорт клубының әскери қызметшісі Ольга Рыпакова Риода өткен Олимпиадада үш мәрте секіруде 14,74 метр нәтиже көрсетті. Бұл оның маусымдағы үздік жеке нәтижесі болды. Ольга Рыпакова қашықтыққа секіруде 2010 жылғы әлем чемпионы, үш мәрте секіру мен жетісайыста Азия ойындарының екі дүркін чемпионы, Бангкокта (Таиланд) өткен үш мәрте секіруде 2007 жылғы Универсиада чемпионы, еңбек сіңірген спорт шебері болып табылады. Рио-де-Жанейрода өткен Олимпиададағы қола медаль ол үшін мансап жолындағы екінші олимпиадалық медаль болғанын айта кетейік. Лондонда өткен олимпиадада ол алтын медаль иегері атанған болатын. Одан басқа, швейцариялық Лозанна қаласында өткен жеңіл атлетикадан «Гауһар одағы» халықаралық турнирінің күміс жүлдегері атанды. Ольга Рыпакова ҚР ҚМ Армия орталық спорт клубында 2006 жылдан бастап қызмет етеді. Бұл уақыт аралығында ол Барыс орденімен, «Қазақстан Республикасының Қарулы Күштеріне 20 жыл» медалімен, Қазақстан Республикасының «Еңбек сіңірген спорт шебері» атағымен, сондай-ақ, «Дене шынықтыру, спорт пен туризмді дамытудағы еңбегі» құрмет белгісімен марапатталды. Қорғаныс министрі дене даярлығы жеке құрамның жауынгерлік қабілеттілігінің негізі болып табылатынын атап өтті. Сол үшін қазіргі кезде АОСК-да жауынгердің төзімділігін арттыратын барлық түрлер бойынша жаттықтыру шеберлігі бағдарламасын енгізу тетігі белсенді түрде әзірленуде. Бұл жеңіл атлетшілеріміз үшін ғана емес, сонымен бірге, жекпе-жекшілер, шаңғышылар, биатлонистер және өзгелер үшін айрықша тапсырма. Бүгінгі таңда клубтың командалық құрамы біршама кеңейтілді. Оның бағдарламасына күш жүктемесі, ерік пен шыдамдылықты қажет ететін кейбір ұлттық спорт түрлері (көкпар, аударыспақ) қосылды. Ольга Рыпаковадан өзге, қазіргі Олимпиада ойындарында қазақстандық құраманың қүрамында Қазақстан Республикасы Қорғаныс министрлігі Армия орталық спорт клубының тағы 9 спортшысы ұсынылды. Ол жеңіл атлетші қатардағы жауынгер Михаил Красилов, былғары қолғап шеберлері аға сержант Біржан Жақыпов, ефрейтор Қайрат Ерәлиев және ҚР ҚК-нің қызметкері Жәнібек Әлімханұлы, ҚР ҚМ АОСК-ның спортшысы Юрий Юрков – оқ ату, 3-сыныпты сержант Евгений Алексеев – байдаркаларда есу, кіші сержант Ғалымжан Үсербаев – еркін күрес, ефрейтор Руслан Жапаров – таэквондо және ҚР ҚК-нің қызметкері Елена Потапенко – заманауи бессайыс.

Фото: www.mod.gov.kz


Біздің қазақ тіліндегі жаңалықтар Facebook-та 

Если вы обнаружили ошибку или опечатку – выделите фрагмент текста с ошибкой и нажмите на ссылку сообщить об ошибке.

Комментарии
Загрузка комментариев...
Если вы видите данное сообщение, значит возникли проблемы с работой системы комментариев. Возможно у вас отключен JavaScript или заблокирован сайт http://hypercomments.com
Добавить комментарий
Введите имя
Чтобы увидеть код начните набирать сообщение Введите код из 3 сим-волов, отображенных черным цветом. Язык кода - русский. обновить код
Новости партнеров
Загрузка...
Loading...