Астанада елорданың туған күні қарсаңында «Атамекен» кешенінде 30 жұптың салтанатты неке қию рәсімі өтті, деп жазады 24.kz арнасы.
- Үйлену тойын ерекше форматта өткізудің керемет мүмкіндігі. Жас жұбайлар паркте жиналып, осы алаңда некелерін қию туралы куәліктерді табыстадық. Қалыңдықтарға гүл шоқтарын тарту еттік. Ресми неке қию салтанаты осылай өтті, содан кейін «Думан» қонақ үй кешенінде сыйлықтар ұтысы, торт кесу, вальс және басқа да көп қызықтар болады, - дейді Астана қаласының кәсіпкерлік және өнеркәсіп басқармасы басшысының м.а. Рыскүл Қауғабаева.
Жастарды танымал тележүргізуші Айгүл Мүкей және актер, музыкант, продюсер Әнуар Нұрпейісов құттықтады. Ерлі-зайыпты атанған жастар аспанға шар ұшырды.
Фото: 24.kz
