Алматылық қоғамдық көліктерде кітапхана ашылды. Кітаптар автобустардың әр орындығына таңылған. Мұхтар Әуезов, Қадірбек Сегізбаев сынды көптеген жазушылардың туындылары нөмірі 11, 17, 133 және 406 бағыттағы автобустарға қойылған. «Кітап Talking» атты акцияны «Нұр Отан» партиясы Медеу аудандық әкімшілігімен бірлесе жүзеге асырып отыр. Ал алдағы уақытта кітаптар ұрланбай, жыртылмай, оқырман арасынан қолдау тапса онда автобустарға қойылатын туындылар саны да көбеймек, деп жазады Алматы телеарнасы.
«Негізгі мақсаты Тәуелсіздіктің 25 жылдығы, Алматы қаласының 1000 жылдығына орай ұйымдастырып отырмыз. Тарихқа байланысты, Алматының көрікті жерлеріне қатысты, танымдық, әдеби кітаптар бар.
Осыларды қойып жатырмыз. Қоғамдық орындарда жастардың кітапқа деген қызығушылығын арттыру»,- деді «Нұр Отан» партиясы медеу аудандық филиалы төрағасының бірінші орынбасары, Арман Халбеков.
Фото: pasternak_jane
