Жерді игермей жатқан алматылықтар салықты енді 10 есеге көп төлейді. Телімге қатысты төлем құнын өсіру туралы шешімді мәслихат депутаттары қабылдады, деп жазады Алматы телеарнасы.
Қазір бір ғана Алматыда мыңнан аса гектар - игерілмей бос жатыр. Ал, 360 кәсіпкер өздеріне тиесілі аумақты мақсатсыз пайдалануда. Депутаттардың айтуынша, бұл шешім - қара жердің құнарсыздануынан сақтайды. Оның үстіне, салық өскендіктен, адамдар жерді дұрыс игеруге көшеді.
«Қазір Алматыда бір шаршы метр телімге салынатын салық көлемі - 28 теңге, 95 тиын. Ал, бір гектар құны - 289 мың 500 теңгені құрайды. Егер салынатын салық көлемі 10 есеге ұлғаятын болса, онда жерді игермей жатқандар 2 млн 895 теңге көлемінде ақы төлеуге міндеттеледі»,- деді Алматы қаласы жер қатынастары басқармасының басшысы, Алтынбек Ахметов.
Фото: www.arnapress.kz
