Спайс шегіп алған әйел көңілдесін өлтірген

Синтетикалық шегетін қоспа адамды есінен айырып, ақыл-ойын тежейді

Шығыс Қазақстан облысы Зырян ауданының 39 жастағы тұрғыны есірткі шегіп алып, көңілдесін өлтіргені үшін сегіз жарым жылға сотталды деп хабарлайды sputniknews.kz, YK-news.kz жариялаған ақпаратқа сілтеме жасап хабарлайды.

Алтайка ауылының тұрғыны үйінде азаматтық некедегі күйеуі және немере ағасымен бірге болады. Ортақ таныстары келгенде, әйел кендірді (конопля) сүтке қайнатып отырған. Әлгі адам синтетикалық шегетін қоспа – спайс ала келіпті. Төртеуі бірге қоспаны шегіп көрген екен.

"Есірткі шегіп алған үй иесі мен көңілдесі ұрысысып қалады. Ашу үстінде әйел көңілдесінің кеудесіне пышақ салған. Ер адам сол жерде көз жұмыпты", — деп хабарлайды басылым.

Сот айыпталушыны сегіз жарым жылға бас бостандығынан айырды. Сот үкімі заңды күшіне енген жоқ.

Фото: sputniknews.kz