Атырауда 6 млн теңгенің балығы ауланды

Бағалы балықтың ұзындығы – 2 жарым метрге жуық.

Салмағы 200 келіге жуықтайтын қорытпа жергілікті балық аулаумен айналысатын кооператив жұмысшыларының ауына түсіпті, деп жазады КТК телеарнасы.

Бағалы балықтың ұзындығы – 2 жарым метрге жуық. Аналық қорытпаның ауға түскеніне мамандар да қуанышты. Өйткені, одан шамамен 30 келіге жуық уылдырық алынбақ. Кейін олар өсіп, салмақтары 3-4 грамм шабаққа айналған соң, Каспий теңізіне жіберіледі. Ал алып балықтың өзі қазір жасанды су қоймасында. Салыстырмалы түрде айтсақ, қара базарда бұл балықтың етінің бір келісі орта есеппен 3500-4000 теңге, ал уылдырығының бір келісі – 200 мың теңге шамасында.

Болат Мұхатжиев, Жайық-Атырау бекіре балық өсіру зауытының бас инженері:

-Балық маусымы жақсы басталып жатыр деп есептейміз. Жақсы шабақтар шығарамыз деп ойлап отырмыз.

Фото: Baq.kz