Алдағы 30 жылда баламалы қуат көзін тұтыну көлемі артады

Күн электр генерациясының үлесі жыл сайын 10,2 пайызға артады.

2050 жылға қарай Жер шарында тіршілік ететін адамзат баласы 10 миллиардтан асып жығылады. Бұл туралы бүгін елордада энергетика тақырыбы қаузалған Инженерлер мен ғалымдардың дүниежүзілік конгресінде айтылды, деп жазады Хабар 24 арнасы.

Жиында әлемдік деңгейдегі сала өндірісі қызу талқыға салынып жатыр. Еліміздің Энергетика министрі Қанат Бозымбаев өзіндік зерттеу нәтижелерін ұсынып, алдағы 30 жылға арналған жаһан экономикасы жайлы болжамдарымен бөлісті. Айтуынша, баламалы қуат көзі мұнай, газ, көмір сынды табиғи қазба байлықтарды тұтыну көлемін азайтады.

Қанат Бозымбаев, ҚР Энергетика министрі:

– Күн электр генерациясының үлесі жыл сайын 10,2 пайызға артады. Ал желден қуат алу өндірісі 7,1 пайызға жоғарылайды. Нәтижесінде көлік саудасының 70 пайызын электромобильдер құрап, баламалы қуат көздері кең етек жаятын болады.

Фото: iacoos.gov.kz