#Все о теннисе
Қостанай облысындағы жол апатына байланысты жедел желі жұмысын жалғастыруда
Zakon.kz
27 шілдеде сағат 18:00-де Қостанай облысының Қарабалық ауданында Алматы-Екатеринбург тасжолында рейстік автобус пен жүк көлігі соқтығысты, деп жазады 24.kz арнасы.
Ресейден келе жатқан жолаушылар автобусында, екі жүргізушіні қоса есептегенде, 46 адам болған. ЖКО салдарынан 6 адам қаза тапты, оның ішінде 12 жасар қыз бала да бар. Сонымен қатар 31 адам жарақат алса, олардың екеуі бала, 28-і жолаушы, 2 автобус жүргізушісі мен 1 жүк көлігінің жүргізушісі. Ал 37 адам оқиға орнынан эвакуацияланды.
ЖКО-дан қаза тапқандардың туған-туыстары мен зардап шеккендерге психолог мамандар қолдау көрсетуде. Жедел желіге 41 телефон қоңырауы келіп түскен. Көз жұмғандар арасында ҚР-ның 3 азаматы, РФ-ның 2 азаматы бар, тағы бір азаматтың жеке тұлғасы анықталуда.
Фото: 24.kz
