Сусыз қалған тұрғындарға қайтадан тіршілік нәрі беріле бастады. Медеу ауданындағы Жабаев көшесінде тұратын ондаған үй осыдан бірнеше күн бұрын ауыз сусыз қалған еді. Коммуналдық қызметтер көп мөлшерде жауған жауын суы құбырға зақым келтіргенін хабарлады. Қазір оқиға орын алған жерде аумақты қалпына келтіру жұмыстары жүріп жатыр, деп жазады «Алматы телеарнасы».
«23 мамыр күні сағат 9.00-де су қайтадан осы құбырға берілді. Яғни, халыққа су қосылды. Құбыр «Алматы су холдингі» мекемесінің балансында емес, яғни қаланың меншігінде емес», - деді Алматы қаласы энергетика және коммуналдық шаруашылық басқармасының бөлім басшысы Дәурен Жандыбаев.
Фото:almaty.tv