Ауа райының қолайсыздығына байланысты Алматы, Жамбыл және Оңтүстік Қазақстан облыстарында жолдар жабылды, деп хабарлайды egemen.kz «Қазавтожол» РМК баспасөз қызметі берген ақпаратқа сілтеме жасап.
Алматы облысында қатты бораннан Үшарал-Достық жолдары, Оңтүстік Қазақстанда және Жамбыл облысында Алматы-Ташкент-Термез жолдарындағы барлық автокөлік түрлерінің қозғалысы шектелді.
«Қазіргі таңда аталған республикалық маңызы бар жолдарға 20 жол-эксплуатациялық техника мен «Қазавтожол» РМК облыстық филиалдарының қызметкерлері жұмылдырылған», делінген хабарламада.
Фото: JNEWS.ge