Ордабасы ауданының тұрғыны жоғалды

Сүңгуірлер Түркістан магистральды каналының 35 шақырымын сүзіп шыққанмен, өкінішке қарай, әлі нәтиже жоқ.

Оңтүстікте тағы бір адам жоғалды. Бұл туралы ішкі істер министрлігінің төтенше жағдай комитетінің баспасөз қызметі хабарлайды, деп жазады otyrar.kz.

Қазір ауданында осыдан үш тәулік бұрын із-түзсіз кеткен адамды іздестіру жұмыстары жүріп жатыр. Бөген ауылында 22 сәуір күні таңсәріде 1986 жылы туған I топтағы мүгедек үйінен шығып кетіп, содан қайтып оралмаған. Осы оқиғаға байланысты құрылған іздестіру жасағы аймақты шолуды жалғастыруда.

Оған барлығы 73 адам, 3 техника, 2 қайық жұмылдырылған. Сүңгуірлер Түркістан магистральды каналының 35 шақырымын сүзіп шыққанмен, өкінішке қарай, әлі нәтиже жоқ.

Фото:otyrar.kz