Рио-2016: Тағы бір қазақстандық теннисші жарысқа қатыспайды

Еліміздің бірінші ракеткасы Юлия Путинцеваның да жазғы ойындарға қатыса алмайтындығы белгілі болды. Себеп - иығынан алған жарақат.

Олимпиадаға жолдама алған теннисшілеріміз бірінен соң бірі жарысқа қатыспайтындарын мәлімдеуде. Жекелей сында ел намысын Галина Воскобоева қорғау керек болатын. Бірақ аяқ асты алған жарақатына байланысты, 31 жастағы спортшы додаға қатысудан бас тартты, деп жазады 24.kz арнасы.

Амал жоқ, оның орнын, Ярослова Шведова алмастырады. 28 жастағы жерлесіміз алғашқы кездесуін жапондық теннисшімен өткізеді. Айта кеткен жөн, бұған дейін еліміздің бірінші ракеткасы Юлия Путинцеваның да жазғы ойындарға қатыса алмайтындығы белгілі болды. Себеп - иығынан алған жарақат. Бұған қоса, Михаил Кукушкин де дәл осындай себеппен Рио-де-Жанейроға барған жоқ.

Фото: tennisclub1.ru