Петропавлда көктайғақтан 500-ге жуық адам ауруханаға түскен

Қазір коммуналдық сала мамандары дамылсыз жұмыс істеп, мұз үстіне тұз аралас құм сеуіп жатыр.

Петропавл қаласында тұрғындардың көктайғақта құлап мертігу жағдайы жиілеп кетті, деп жазады «Хабар 24» арнасы.

Тек бір аптаның ішінде ауруханаға түрлі жарақатпен 500-ге жуық адам түскен. Оның 150-і - бала. Қазір коммуналдық сала мамандары дамылсыз жұмыс істеп, мұз үстіне тұз аралас құм сеуіп жатыр. Ал синоптиктердің болжауынша, сынап бағанасы 30 градусқа дейін төмендеуі мүмкін.

«Аяқ-қолдары сынған. Қазір рентген снимоктар істейміз, қараймыз, операция істейміз. Алдын ала анестезиолог қарайды. Наркоз бергенше, содан кейін операция жасалады. Күніне 5-6 адамға операция істейміз», - дейді травматолог-ортопед дәрігер Вали Бедешев.

Фото: zhzh.info