Астанада құрылыста 1 адам опат болды

Оқыс оқиға сол жағалаудағы Хусейн Бен Талал көшесіндегі құрылыс нысанында болған.

Астанада құрылыста 1 адам опат болды. Тергеумен нақтыланбаған ақпарат бойынша, жоғарыдан құлаған материал жұмысшының өліміне себеп, деп жазады 31 телеарна.

Оқыс оқиға сол жағалаудағы Хусейн Бен Талал көшесіндегі құрылыс нысанында болған. Болған жайт туралы хабар кеше түскі 12 шамасында 102 телефонына түсіпті. Полицейлер бұл фактіні растап отыр.

СОФЬЯ ҚЫЛЫШБЕКОВА, Астана қалалық ІІД баспасөз қызметінің жетекшісі:

- Қазіргі кезде Қазақстан Республикасы қылмыстық кодексінің 156 бабы, яғни "Еңбекті қорғау ережелерін бұзу" фактісі бойынша сотқа дейінгі тергеу жүргізілуде. Сонымен қатар осы тергеу аясында бірқатар сараптама тағайындалған.

Фото: belrynokby.ru