«Орталық-Оңтүстік» жобасын жүзеге асыру үшін 2016 жылы 63 млрд теңге бөлінді, деді ҚР Инвестициялар және даму министрлігінің бірінші вице-министрі Жеңіс Қасымбек Парламент Мәжілісінің көшпелі отырысында. Бұл туралы zakon.kz, primeminister.kz жариялаған ақпаратқа сілтеме жасап хабарлайды.
«Орталық-Оңтүстік» жобасы аясындағы Астана – Алматы бағыты бойынша жұмыс 2013 жылы екі учаскеде басталды: Астана-Теміртау – 171 км және Алматы-Қапшағай – 104 км. Бүгінде пайдалануға 12 шақырым жол берілді. 2016 жылдың бюджеті 63 млрд теңгені құрады», - деді Ж.Қасымбек.
Ол атап өткендей, жылдың қорытындысы бойынша Астана-Теміртау және Алматы-Қапшағай учаскелеріндегі жұмыстар толық аяқталды. «Орталық-Оңтүстік» бағытындағы жұмыстар 2020 жылы аяқталады деп күтілуде.
Астана-Өскемен бағытындағы жолдардың құрылысына осы жылы 60,5 млрд теңге бөлінді. Бөлінген қаржы есебінен Астана-Павлодар және Павлодар-Семей-Қалбатау бағытындағы учаскелер жүзеге асырылады.
«Биыл біз ұзындығы 200 шақырым учаскеде жолды ашуды жоспарлаудамыз. Бұл негізінен Астана қаласынан Павлодар бағытындағы алғашқы 50 шақырым және Павлодар қаласынан жекелеген учаскелер. Сондай-ақ, Ертіс өзеніндегі көпірдің құрылысын аяқтауды жоспарлаудамыз. Бұл бірегей жаңа көпір биыл күзде аяқталады. «Қалбатау- Өскемен» учаскесі - 102 шақырым Қытайдың «Эксимбанкінен» алған қарыздар есебінен жөнделеді», - деп түсіндірді вице-министр.
Фото:today.kz