Оңтүстік Қазақстан облысында Chrysler жеңіл көлігі аударылып, түгі қалмай жанып кетті. Бұл туралы 24.kz арнасы, ОҚО ТЖД баспасөз қызметі таратқан ақпаратқа сілтеме беріп хабарлайды.
Жол апаты Тұрар Рысқұлов кентінің маңында республикалық маңызы бар Алматы-Термез тасжолының 635 шақырымында болған. Жөндеу жұмыстарының жүріп жатқанына қарамастан, көлік жүргізуші жолдың рұқсат етілмеген бөлігіне шығып, жүйткүй бастаған. Жолай шетелдің қымбат машинасы бірнеше рет аунап түсіп, кейін сау-тамтығы қалмай жанып кеткен.
Абырой болғанда, жүргізуші жаншылған көліктің ішінен шығып үлгерген, дейді құзырлы орган өкілдері.
Қ.Жүнісбеков
Фото:www.canal3.md