Павлодар облысы ҰБТ-ның қорытындысы бойынша республикада үшінші орынды алады, деп хабарлайды pavlodarnews.kz. Бұл туралы бүгін аймақ басшысы Болат Бақауов облыстық мәслихаттың депутаттары алдында өңірдің әлеуметтік-экономикалық дамуының қорытындылары бойынша есеп беру барысында мәлім етті.
- Биылғы жылы ҰБТ-ның қорытындысы бойынша орташа көрсеткіш 88,2 баллды құрады. Бұл өткен жылмен салыстырғанда сегіз ұпайға артық. Сонымен қатар, компьютерлік техникамен қамтамасыз ету бойынша Павлодар облысы республикада алдыңғы қатарда. Бір компьютерге бес-алты оқушыдан келеді. Аймақта мектептердің 40 пайызға жуығы ғаламтор желісіне қосылған. Жергілікті бюджеттен оқу жиһазы мен жаңа үлгідегі асхана жабдықтарын сатып алуға 145,6 млн теңге бөлінген. "Жұмыспен қамтудың жол картасы - 2020" бағдарламасы бойынша және жергілікті бюджеттен бөлінген 1,3 млрд. теңгеге 90 білім беру нысанында күрделі жөндеу жұмыстары жүргізілуде, - деді Болат Бақауов.
Ақбота Сейсенбаева
Фото: Рavlodarnews.kz