Екібастұз қаласында кеше, 22-қыркүйек күні уланып қалған студенттер ауруханадан шығарылып, үйлеріне оралды, деп хабарлайды pavlodarnews.kz.
Қалалық орталық аурухананың бас дәрігердің орынбасары Амангелді Авудбаевтың айтуынша, жастардың өміріне ешбір қауіп төніп тұрған жоқ және жағдайлары бірқалыпты.
- Қазіргі таңда студенттер сабақта отыр. Бұл жайға қатысты сараптама жүргізіліп жатыр. Сондықтан олардың нақты неден уланғаны көп ұзамай анықталады, - дейді медициналық колледж директорының тәрбие ісі жөніндегі орынбасары Кәмшат Абдразақова.
Еске сала кетейік, медициналық колледждің үш студенті белгісіз затпен уланып, қалалық ауруханаға түскен. 17 жастағы екі жігіт жансақтау бөліміне жатқызылса, 20 жастағы азамат терапия бөліміне түскен.
Ақбота Сейсенбаева
Фото: Рavlodarnews.kz